小S二女晒緊身吊帶裙　意外撞樣林志玲

台灣女星小S（徐熙娣）與老公育有Elly（許曦文）、Lily（許韶恩）和許老三（許曦恩）三個寶貝女兒，雖然3個寶貝女兒各具特色，但其中二女Lily嘅顏值及氣質，因激似「台灣第一名模」林志玲，圈粉無數。

只見近日去咗英國玩嘅Lily，喺社交網晒出多張當地吃喝玩樂照片之餘，日前更晒出身一輯吊帶緊身長裙嘅性感靚相，盡騷前凸後翹傲人身材嘅同時，身上嘅飾物更全部都係知名品牌，整體望落高貴典雅得嚟，優雅氣質更係引嚟唔少網友留言道：「這是雜誌等級的吧！美翻！」、「超美的仙女。」、「這一系列照片真的美翻。」、「美翻，根本是降落凡間的天使。」、「典雅又有氣質。」、「你就是人間美麗的風景，美得讓人心曠神怡！」、「第二張好像媽媽。」、「根本美得像一幅畫！」、「完全長在我的審美線上，太強了。」、「怎麼可以這麼美？」、「媽媽看了都要尖叫了！」，此外亦有人給出超高評價：「小S生了3個林志玲。」、「好像林志玲。」

東網網站 : https://on.cc/東網Facebook專頁 : https://www.facebook.com/onccnews/