古天樂問有冇約會對象　唐詩詠：你有冇介紹？

藝人古天樂最近一直忙於宣傳電影《尋秦記》，日前他作客網上節目《絲打圍爐》，接受唐詩詠及練美娟訪問。節目中，唐詩詠談及化妝問題，古天樂坦言可免則免，而詩詠指有約會就會化妝，練美娟追問其感情狀況：「你仲有Dating咩？」古天樂即時護花：「你口下留情喎！」轉頭卻捉着詩詠的手問：「你依家有冇Dating對象呀？」詩詠笑問：「你有冇介紹？」

談到熟男危機，古天樂看得很開，認為變肥及脫髮都必然會發生，若然科技可以改善脫髮問題亦不妨一試，但就很抗拒戴假髮，他說：「以前拍古裝好怕黐頭套，好似用啲嘢笠住自己個頭，好辛苦。」他又談到覺得女生有幽默感及愛笑特別吸引人，與他默契十足的宣萱就是開心果，但明言雙方永遠不能擦出愛火：「我唔覺得佢係女性，佢唔覺得我係男性，喺兩個人眼中，我哋只係一個物體。」又表示雙方相處模式很簡單：「佢開心，我開心，冇其他嘢，好難得一生有咁嘅拍檔。啲人成日問，你哋應該點點點，我都幾肯定係唔會。我身邊，男嘅係劉青雲，女嘅係宣萱。」

東網網站 : https://on.cc/東網Facebook專頁 : https://www.facebook.com/onccnews/