《蟻俠》女星伊雲祖蓮莉莉上年撞頭昏迷　掃瞄顯示腦部受損

於漫威超級英雄片《蟻俠》（Ant-Man）系列飾演「黃蜂女」的46歲加拿大女星伊雲祖蓮莉莉（Evangeline Lilly），上年5月於夏威夷海灘暈倒，臉撞礁石受傷，送院途中再昏迷，事後她分享一臉鼻血、擦破下巴與門牙崩裂的照片。她於社交網站拍片透露早前腦部掃瞄的結果：「我步入新年，馬年，帶住啲關於我腦震盪嘅壞消息。掃瞄結果返咗嚟，我個腦差唔多所有區域都降咗功能。所以我係有咗腦部損傷，可能仲有其他嘢。」

她繼而表示：「依家我目標係同醫生搵出問題根源，然後著手辛苦咁解決佢，我就唔期待啦，因為我覺得我淨係一味辛苦。自從我撞爆塊面令個思維衰退，幫到我人生慢落嚟，幫我2025年尾多咗休息。我諗呢個可能係生小朋友以來最平靜、最休息嘅聖誕假期。好似返到14年前咁，所以係一件好事。」

東網網站 : https://on.cc/東網Facebook專頁 : https://www.facebook.com/onccnews/