尼高舒洛達碧克：如果每個人都有最好表現，多蒙特就可以係慕尼黑擊敗拜仁

今晚12點半，德甲將會有多蒙特作客拜仁嘅德國國家打吡，效力多蒙特嘅德國🇩🇪中堅尼高舒洛達碧克最近接受圖片報訪問

舒洛達碧克就話「我哋依家係積分榜上領先拜仁，而且我哋仲要係聯賽保持不敗，呢個係比賽之前兩個非常好嘅情況。如果每個人都有最好表現，我相信球隊可以係慕尼黑贏波，但我哋知道拜仁失去領先優勢之後會更有動力🙃。」

呢位德國🇩🇪中堅又話「我哋從未無講過球隊唔想贏到冠軍。為咗呢個目標，我每日都好努力，甚至付出晒所有野。而我哋每個星期都要持續展示意志力、理想同團隊精神，咁樣做就可以幫到我哋係今季脱穎而出😎。」