網上熱話｜青衣屋苑稱有住戶疑窗邊窺看其他單位 網民笑言：你唔望點知佢望你
本港寸金尺土，不少住宅單位都與鄰居處於目視距離。青衣一個屋苑向住客發出通告，指出懷疑有住戶在窗邊窺看其他單位住戶的生活，呼籲大家留意個人生活習慣和尊重他人私隱，切勿作出滋擾鄰居的不當行為。有網民認為「香港人真係乜都可以投訴一餐」，亦有人坦言「居屋咁細隻窗都驚，新樓啲落地玻璃點算？」
▼青富苑通告及網民留言逐格睇▼
疑有住戶窗邊窺看其他住戶生活
青衣綠置居青富苑2023年入伙，由兩座樓高40層的樓宇組成，提供2,868伙實用面積介乎187至471平方呎的單位。青富苑管理處近日發出通告指，接獲反映懷疑有住戶於窗邊位置，窺看其他單位住戶的生活行為，感到滋擾。管理處呼籲住戶留意個人生活習慣、尊重他人私隱，切勿作出不當行為，以免滋擾鄰居。
通告被網民上載至社交平台後，不少人都覺得管理處矯枉過正或投訴不合理，「居屋咁細隻窗都驚？新樓啲落地玻璃點算」、「有啲廚房廁所窗同隔離真係好近。但係可以唔俾人企咩，唔俾人望窗？有咩計？自己裝紗窗，落簾囉」、「手機唔想人偷睇都可以貼防偷睇螢幕貼啦」、「學校咩，咁都出通告。」同時，亦有人戲言「你唔望佢點知佢望你」、「你唔望我，我咪唔舉報你囉」、「有住客鍾意偷窺人哋，你唔俾人偷窺即係影響到佢嘅生活」、「每一張離哂大譜嘅通告背後都有一個更離譜嘅故事」。
▼公屋、綠置居2028/29年度項目選址▼
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)