「御用奸人」何啟南洗底從良 韋家雄演活過氣江湖大佬

譚俊彥、李佳芯、郭柏妍等主演的TVB劇集《麻雀樂團》，昨晚（6日）一集劇情講述阿威（韋家雄飾）因發現了阿強（何啟南飾）與宗叔（姜大衛飾）暗地見面，在阿久（譚俊彥飾）面前向阿強大興問罪之師，阿久見狀不但沒有發難，更企圖扯開話題保護阿強。自知紙包不住火的阿強，向相識40年的兩位好兄弟直認「衰貪錢」，並自嘲一事無成，跟昔日街邊檔「報紙仔」比較一樣失敗。愈說愈激動的阿強憤恨表示：「我唔想成世人好似乜都冇做過咁呀﹗我做咗20幾年嘢，未曾試過有間房㗎﹗」這場5分半鐘的兄弟攤牌戲，3位演員火花四射，貼地又搞笑的「麻甩式對白」更令觀眾會心微笑。

何啟南是無綫「十大奸人」之一，曾演過很多反派角色。曾自言「出街會嚇親人」的他，這次在監製羅永賢刻意安排下「從良」。羅永賢表示與何啟南相識多年，希望將真正的何啟南在劇集中展現出來。他說︰「咁多年嚟觀眾睇到嘅佢都係好高傲、好奸同好有壓力嘅角色，我私下認識嘅佢其實係好踏實嘅人，所以我今次將呢個江湖大佬拉番去好『地』嘅位，由著筆挺西裝變做著爛鬼背心踢拖嘅，希望帶出到個反差感，同埋其實啟南嘅喜劇節奏都好準，希望大家會鍾意。」

飾演李佳芯哥哥的韋家雄，角色形象突出，爆炸頭、過氣太陽眼鏡、色彩鮮艷西裝、娘爆頸鏈、花喱碌恤衫，再加上粗豪的聲線，被網民封為「TVB市井王」。監製羅永賢表示造型重點是「Out」︰「韋家雄其實轉數好快，再加埋佢好有喜感嘅肢體語言，佢做呢個過氣江湖大佬，其實係好有嗰種味道！其實佢個造型我得一個英文字，就係個out字，好花嘅恤衫、好攣嘅頭，佢真係為咗咁去電，仲要加咗撮白色嘢。」

（即時娛樂）