【LINE你睇】收到塗鴉銀紙疑為符咒 網上求解發現驚是招財用

有人意外發現一張被畫花了的五十元紙幣，紙幣上不似孩童隨意的塗鴉，更似是佈滿了疑似符咒的圖案與文字，這些文字樣式奇特，雖然看不懂，但卻有整齊排列的方法，帖主擔心這張紙幣背後可能存在特殊意義，於是便拍照將情況發布到網絡上求助，帖文中寫道：「有冇人知呢個係咪符或有咩特別意思？收錢個時冇為意，點知收到張咁嘅嘢，好驚會對自己有啲咩影響」。這段求助內容迅速引發關注，眾多網友紛紛留言給出判斷與建議！

關於這張莫名其妙的紙幣，有網友認為紙幣上的圖案是鎮鬼咒，解釋道：「鎮鬼咒嚟，上一手應該俾鬼搞，然後有人俾咗呢個咒佢封住隻鬼，收咗隻鬼之後上一手即刻使咗張銀紙，轉手張銀紙就去到你手上，而家無得搞㗎啦，呢兩日睇下有啲咩唔舒服再部署下一步啦」；也有網友給出直接處理建議，有的說：「即刻落地鐵站八達通增值機用咗佢，等佢同部機摙過」，還有的提議：「拎去教堂奉獻咗佢，乜鬼都頂得住」。

與此同時，不少網友以幽默口吻將事件漫畫化，增添討論的輕鬆感，有人玩笑道：「去啲寺廟入咗佢，等佢哋嚟返場咒術迴戰，鬥到咁上下可以叫夜宵妹妹去收服佢哋」，更有人建議：「咬到手指公流血，然後大力拍落張銀紙度，大叫：『通靈術！』就有機會召到自己隻通靈獸。」

幸運的是也有「知情」網友專業揭曉，否認鎮鬼咒的說法，強調：「呢啲唔係鎮鬼咒，係招財符咒，如果你唔係有信仰嘅話可以將呢張嘢去捐咗佢」；另有自稱接觸泰國佛牌十年的網友補充：「放心，呢啲叫錢母，招財用㗎，利申：玩咗泰國佛牌十年，識少少扮下代表」，甚至有網友突破盲點猜測：「有人唔小心用咗自己張錢母？！」這個答案令眾人放下心頭大石，但有網友卻提及法律層面：「基本上銀紙屬於銀行財物，喺上面畫花咗或簽名係犯法，不過好少執行啫」；還有人建議通過銀行處理，打趣道：「攞去銀行算啦，匯豐兩隻大貓什麼牛鬼蛇神全部解決」，亦有人認真提議：「攞番去發鈔銀行，即中銀，換過一張。」最後這張紙幣何去何從，雖暫時未有結論，但總算也有答案。

圖片來源：mulbyeongie@threads

【LINE你睇】每日精選網絡熱話，源源送上新鮮事，LINE你睇唔驚冇話題。