李司棋執貨倉發現陳年靚相　原來年輕時候已愛騷腿？

73歲的李司棋近年離開電視圈後活躍社交網絡，經常在網上分享生活點滴及下廚影片，更不時貼出身穿絲襪的相片，難怪之前她說過一向有穿絲襪習慣，甚至有人叫她做「黑絲棋」，更反問：「其實絲襪咋嘛，點解要抗拒？」昨日（20日）她分享昔日黑白靚相，同樣喜歡穿短裙展示美腿，獲網民大讚靚女：「司棋姐天生優雅嬌俏」。

李司棋貴為1968年香港公主冠軍，有時都會分享自己昔日靚相。昨日司棋姐又再分享兩張舊照，寫道：「執貨倉，整理舊物，慢慢同大家分享搵到啲乜。」今次兩張黑白舊照，同樣攝於她年輕時候的花旦年代，當年她穿上短裙大騷玉腿，獲網民大讚：「不愧為香港公主」、「真係好靚」、「年輕時的美女照」、「以前同而家都係咁靚」、「Elegance」、「仍記得你演啼笑姻緣的樣貌」。