林秀怡搞食物製造廠硬蝕100萬　餐廳生意差過疫情期

復活節長假期已過，港人繼續「棄城」北上消費，鬧市景點冷清，令香江百業看不到曙光，香港餐廳近期更爆結業潮，因而令網上群組「全港店舖執笠結業消息關注組(店舖/ 餐廳/ 零售/ 小店/ 大集團)」爆紅，會員人數激增至18萬人，重點關注過去一個月接近數百間店舖結束營業，可見百業蕭條。當中藝人林秀怡於旺角經營日式西餐廳，至今已經7年，佢亦表示自己生意一定有影響，依家生意仲差過疫情嗰時。依家因為成本高，已經壓到個價好低，所以價錢未有調整，望靠新產品吸引顧客。本身佢疫情前曾計劃過開分店，不過現時已經暫停計劃。

餐廳生意未見起色，佢另一個投資項目亦損失慘重，本身大搞食物製造廠，打算整意粉、甜品，廠整完再運去舖頭，佢投資100萬裝修同設備，上兩個月已經執咗個廠，咩都蝕晒，即使有藝人光環都冇用。

東網網站 : https://on.cc/東網Facebook專頁 : https://www.facebook.com/onccnews/