井柏然劉雯日本拍拖濕平再被斷正　獲封最潮情侶

內地一線小生井柏然同內地超模劉雯愈愛愈高調，繼上次拍拖睇騷被大會鏡頭斷正之後，依家正身在日本蜜遊嘅二人再次合體，由上機到去舖頭濕平，都一一被偶遇二人嘅網友影低。有網友尋日（14日）晒出二人行街照，只見井柏然一身休閒打扮簡單舒適，劉雯就着上黑白印花裙，頭戴棒球帽，身材出眾嘅佢哋去到邊都「高」人一等，行路帶風，氣質真係唔講得笑，更被網友封為「最潮圈中情侶」。

其實二人於2022年5月，被網友晒出井柏然踩單車載劉雯遊玩嘅合照，兩人戀情傳聞首次被曝光，雖然戀情已經傳足一年多，但兩人遲遲未官宣，有指係劉雯想低調戀事，井柏然先配合女友封口。

東網網站 : https://on.cc/東網Facebook專頁 : https://www.facebook.com/onccnews/