被網紅大J斥「狗眼看人低」　游學修：冇動機咁對佢

一向敢言的網絡紅人「Jason - 大J」，雖然於2021年隨日籍太太移居日本，但仍不時出片保持人氣，其YouTube頻道「JASON」訂閱人數已逾100萬人。早前大J公開透露太太多年未能成孕，因此他到台灣進行代母生育計劃，引起不少討論。

大J昨日（5月12日）在社交平台出帖文，寫道：「成日有D人話我係一個仆街，做好多傷天害理既（嘅）事。但我每次要呢D人講一樣出黎，佢地（哋）都係講唔到… 點解？！」有網民留言：「同游學修一樣，明明冇做錯野、只係份人串左啲就係咁比（俾）人窮追猛打，人地只係睇你唔順眼」。

該網民提起游學修，立即引起大J激烈回應：「其他人我唔知，我只係知道姓游呢個狗眼看人低，對眼生係額頭（親身經歷）」、「其實好小事，係我小器。多年前一個公開場合，游當時仲係一個新進演員，我打招呼同伸手握手，大明星零反應望一眼都唔望姐。」、「企係面前都聽唔到見唔到，咁應該要驗眼或者驗耳。anyways, 已經過去好耐既事情」。有網民將帖文截圖轉載到threads，引來游學修親自回覆：「誤會啦，，，我唔認識佢，冇動機咁對佢，Peace」。