轟中華文化節無高官捧場　葉劉：紅館完全不適合做粵劇

身兼行政會議召集人的議員葉劉淑儀今日(26日)在立法會辯論有關文化政策的議案時，炮轟日前舉辦的中華文化節沒有高官捧場，亦對國家級的演員尊敬不足，批評政府在推展文化項目方面貪新忘舊，更直指紅館太大，完全不適合上演粵劇。

葉劉指文化體育及旅遊局似乎在文化方面比較熟悉是演唱會文化，至於推廣新的中華文化，例如她我上星期看過中華文化節非常精彩，其中一部新劇配合國家發展，她指如此重要的主題，但不覺得有高官去欣賞或寫一些文章去推廣。

她說：「中華文化節京劇方面,有國家一級演員，無高官捧場，卒之要我作為一個議員，

但我當然好高興，我喺佢哋嘅粉絲去後台獻花，對於我哋國家咁有藝術成就嘅演員，我覺得(政府)係尊敬不足。」

對於政府續有推出文化項目，她批評是貪新忘舊，沒有推廣已有50年歷史的香港=藝術節，香港芭蕾舞團及香港管弦樂團，「呢啲現有嘅好嘢，點解唔見局長大聲去推廣呢？」

對於政府決定調整紅館定位，會研究及提供更多珍貴檔期，供長期演出項目及粵劇使用。

她說：「其實紅館唔可以做粵劇，你諗下粵劇嘅來源係乜嘢，係戲棚做嘅、民間做嘅神功戲嚟嘅，粵劇要睇佢嘅功架、表情嘅細膩，唔可以喺咁大的場館表演嘅，我試過喺北京睇實驗劇團嘅演出，佢哋只有200人嘅劇場，唔准用咪，只有兩個布景，畀年輕嘅演員喺觀眾面前表演佢哋嘅唱做現打嘅功夫，所以喺大嘅劇場，好似紅館係完全唔適合嘅。

她希望文體旅局的官員加深對中華文化嘅認識及不要貪新忘舊，多點支持現有的芭蕾舞團、管鉉樂團及香港藝術節。

東網網站 : https://on.cc/東網Facebook專頁 : https://www.facebook.com/onccnews/