邱晴法國發出「暴乳」警告　靚裙加身即被圍

擁32D美好身段的邱晴，昨（7日）於社交平台分享於法國巴黎拍攝的美照，本身上圍豐滿的她，穿上超低胸裙，「暴乳」警報頓時生效，但她的留言則非常悠閒：「巴黎的一個早晨，溫暖的陽光和一杯泡沫咖啡。」網民當然不會將焦點放在咖啡上，紛紛留言大讚邱晴身材出眾。

邱晴接受東網訪問，亦笑指在法國旅遊時已有很多人讚過她：「好多外國人會同我講Nice Dress，仲有時裝店店員問我條裙喺邊度買，我同佢講網上買，港幣一百蚊唔使，佢哋都好驚訝，話貴10倍都會有人買。」

談到瘦身方法，邱晴表示：「做多啲運動，自己煮嘢食，之後有段時間我好肥，因為經常食外賣又忍唔到口，自己煮會清啲，好似我最近就喜歡整花甲粉絲煲，會落埋蝦、鮑魚、金菇、娃娃菜咁，係我最瘦嘅晚餐。至於做運動方面，我有個朋友同我講咗個金句，就係當運動係擦牙要日日做，我就係呢個金句，令我盡力堅持日日去做運動。」

東網網站 : https://on.cc/東網Facebook專頁 : https://www.facebook.com/onccnews/