「送水輝」許家傑多謝林淑敏教戲　戥佢失落獎項唔抵

藝人許家傑在2009年憑奪得「香港先生」冠軍入行，直至近年憑《愛‧回家之開心速遞》「送水輝」一角終令他成功入屋，他感恩遇到好機會：「有好嘅對手，大小姐（林淑敏）幫咗我好多對戲劇嘅理解、演繹，我咁多年來學識唔好放棄，就算唔得，最緊要係珍惜每一次機會慢慢學習。」他又大讚好拍檔大小姐是其學習對象：「佢本劇本mark到密密麻麻，處境劇係今日先睇到下星期嘅內容，要即刻做功課其實好難，但咁樣訓練係好好。」

他又戥對方首年失落「最佳女配角」大感傷心：「因為佢付出咗咁多努力，得到咁多人認同，同埋呢啲通常提名得一次，但點知第二次又有，同時間佢仲提名『最佳女配角』同『最受歡迎電視拍檔』，其實我係私心想佢攞女配角，但佢就好內疚，覺得冇得同我一齊攞組合獎，但我就話最緊要唔係攞獎，而係大家長時間合作默契，觀眾又認同，獎項對我嚟講絕對唔重要，最開心係出到街啲人叫我『送水輝』，會一齊討論劇情，好有屋企人嘅感覺，呢個肯定、認同開心過攞獎。」

東網網站 : https://on.cc/東網Facebook專頁 : https://www.facebook.com/onccnews/