【🔥Hot電影 #hotalk】孫佳君克服騎馬 一見到Aaron造型已經覺得想笑

🔫有份參與賀歲電影《臨時劫案》嘅孫佳君，新年期間出走日本沖繩，讓自己好好充電再迎接新工作，每天爭取時間浸溫泉，促進血液循環令人更靚外，孫佳君更打開心結，自讀書有被馬多次由背摔下恐懼後，終於解開心結，成功再次騎馬。孫佳君表示：「中學嗰陣時有學騎馬，但因為跌過落嚟好多次，之後都好驚冇再騎。今次去沖繩再次騎馬。好開心啲馬好純好乖，唔知係咪因為沖繩環境好，好chill, 的馬都relax啲 。」🐎

每年孫佳君都必到會去日本，特別是較偏遠少遊客的鄉郊地方，讓自己好好貼近大自然，而旅遊期間孫佳君選甚少化妝，好讓心靈得到休息時，皮膚都好好休息：「好鍾意去日本鄉下地方，多啲大自然嘅地方，可以好放鬆，心情特別好，笑起嚟都甜啲。好多朋友都話我唔化妝好睇過化妝，咁係我化妝技術差定係皮膚好，哈哈。」能夠Keep住靚Keep住瘦，孫住君鼓勵大家旅行要放低電話，遠離電子產品，好好讓腦袋、眼睛放鬆，更再教大家平日要運動外，亦可多浸溫泉或浸浴，目的是要令血液循環，對皮膚和身體都好好。

🎬至於有份參與影《臨時劫案》演出，孫佳君在戲中飾演的士司機，遇上愛「講多謝」又「識英文」的悍匪郭富城Aaron梅藍天非常驚險，不過目前電影愈戰愈勇，票房場次不斷上升，孫佳君表示：「好開心觀眾喜歡，同Aaron 已經係合作過幾次，大家都有默契，通常拍嗰陣時佢已經知道想點樣拍，我會盡量配合。覺得佢今次個造型真係最特別，一見到已經覺得想笑！」

▼Follow 熱話HOTALK
Instagram: https://www.instagram.com/hotalk_hk/
Facebook: https://www.facebook.com/hotalkhk