Tyson Yoshi意大利浪漫婚禮曝光 感激張敬軒幫忙

Tyson Yoshi（程浚彥）與太太Christy香港時間昨晚（9日）在意大利莊園舉行戶外婚禮，Tyson穿上整齊禮服走入婚禮場地，等待新娘子時不時深呼吸，看來有點緊張；Christy則以Low Cut米白色婚紗，蹺住爸爸的手緩緩進入會場。張敬軒、魏浚笙、Serrini、Locker和女友Marf、台灣歌手婁峻碩和太太均在場見證。完成儀式後，一對新人深情擁吻，Tyson拖住太太走上樓梯離場時不時裝出得戚樣，逗得全場大笑。

一對新人婚禮後舉行婚宴，現場有巨型吊燈及擺滿鮮花，結婚蛋糕為巨型水果拿破崙。Tyson與Christy切蛋糕時，身後更有煙火效果助慶。一對新人在婚宴上多次被嘉賓催促三年抱兩，Tyson爽快表示會盡力。宴會上，Tyson拿着整樽酒滿場飛，Christy則全程傍實。兩人又在嘉賓起哄下跳舞，不擅跳舞的Tyson扭了幾下，獲現場親友歡呼。入夜後，眾人移師室內唱歌，張敬軒自彈自唱為一對新人送上祝福。

Tyson致辭時公開多謝張敬軒幫忙，他說︰「我要你同我屋企人一齊住，其實真係唔係為咗要啲咩… 我係真係好唔好意思，但你呢兩日真係幫咗我好多，幫咗我非常非常之多。Thank you so much！Thank you！Thank you！」Tyson 亦有在社交網分享張敬軒為他整理疑似晚宴菜單的影片，他說：「黐線佬忙咗成朝，幫我搞呢樣搞嗰樣，唉，都唔知點樣多謝佢！」

（即時娛樂）