《花姐ERROR遊》「Mike導」突宣布休息未有復出日期：步入瓶頸係必然

人稱「Mike導」的劉諾衡，曾為ViuTV拍過多個破格旅遊節目，包括《花姐ERROR遊》系列、《ERROR自肥企画》、《美女郊遊遊》等，去年亦有遠赴非洲拍攝的《無制限探險隊》，最後拍下不少「黃金畫面」。正當不少觀眾期待Mike導再帶來新突破之際，昨天（19日）Mike導突然在社交平台宣布要休息一段日子，更揚言未知休息多久。

Mike導負責的節目每每挑戰電視台極限，又不時「自肥」明益自己或團隊人員，往往反應兩極，亦令不少主持如ERROR四子、P1X3L三子令人刮目相看。他昨日突然發文寫道：「入行第8個年頭：拍過有趣嘅節目、做過無謂嘅製作、建立過有今生無來世嘅牽絆、見識過虛情假意嘅友誼、俾人讚過、俾人鬧過、追過夢、食過屎、笑過、冇喊過、啱過，亦錯過…… 總括而言覺得自己都算幸運，呢7年幾雖然過得唔錯，但無可避免地，任何人堅持做任何事，步入瓶頸係必然嘅。」

Mike導坦言世界變得好快，無論環境、文化及人們會變，包括他在內也在變。「我喜歡創作，不過唔知幾時開始，發現熱愛嘅事物單純地變咗做唔想失去嘅事物…… 開始有啲驚，驚有一日唔再鍾意做呢件事。所以，我決定唞唞，未知唞幾耐。假如一段唔知幾長嘅時間過後，世上仲有人會期待睇到我作品嘅話，都係一件幾浪漫嘅事。不過，你要等等，未知等幾耐。」

不少曾合作過的主持包括保錡、程人富、Marco、咖喱醫生等人，都有留言叫他好好休息，期待之後再次合作。而Mike導回覆傳媒查詢時表示，他目前在ViuTV的狀態是停薪留職。