劉穎鏇稱未有追求者　家人作風洋化不會追問

藝人劉穎鏇近日應邀出席商場聖誕活動，講到聖誕正忙於拍攝劇集《飛常日誌II》到12月尾的她相當雀躍，直言歸心似箭：「我主要個目標係希望聖誕可以返到去洛杉磯嗰邊陪屋企人過，但係我未買機票嘅，因為始終做嘢為主，希望一有空檔就可以即刻走。」

講到聖誕節目買禮物，Tiffany笑指自己相當幸運，因為屋企人沒有互相送禮物的習慣，為她荷包慳不少錢，她說：「我試過想送禮物畀父母，但佢哋樣樣都話唔想要。」她又指收過最sweet的聖誕禮物是粉絲的手作，將她多張相整合成相薄，認為花時間做的禮物最最有意義，但卻透露未有追求者送過手作禮物，若有一定會加分。她又指家人作風洋化，不會對她的終身大事「逼供」：「佢哋反而成日問我喺香港做緊乜，拍緊咩劇，或者綜藝節目，想了解我嘅工作多啲！」

東網網站 : https://on.cc/東網Facebook專頁 : https://www.facebook.com/onccnews/