到律師樓簽紙結婚簡單處理 朱千雪摸肚否認有喜

朱千雪在昨日31歲生日公佈跟拍拖5年、青梅竹馬的醫生男友吳昆倫（Justin）結婚後，今午孖媽咪去飲茶食晏時，被傳媒追訪，母女落車後企定定給傳媒拍照，然後朱媽媽先行入酒樓，留下女兒面對傳媒。
笑得甜蜜幸福的千雪，被問辦好嫁妝未？她說：「未，仲計劃緊。」問到是否有BB？千雪第一時間答：「唔係呀！」她邊答邊摸肚望一望，笑說：「我咁瘦。」至於Justin會否來一起飲茶？千雪答：「唔會啦！」然後就入內跟母親上酒樓去。
（更新）千雪飲完茶後與媽媽步出酒樓，並騷出手上鑽戒，但始終不肯透露婚期，稱：「只喺律師樓簽紙，簡單處理咗佢先。」會否在港擺喜酒？她說：「睇下點，未諗到咁遠。」被問到未婚夫如何求婚？可有跪地？她則笑開懷說：「總之有誠意，費事講咁多。（你有冇喊？）緊張囉，我唔識反應㗎嗰陣，但開心嘅。」她說求婚之旅只得他們二人，故沒朋友見證。
建立時間：1533
更新時間：1615