「少婦聯盟」三缺一！龔嘉欣約陳凱琳、譚凱琪慶祝素顏上陣大晒天然美

龔嘉欣早年因為拍劇而跟陳凱琳、譚凱琪及沈卓盈成為好姊妹，四人更加組成「少婦聯盟」。

31歲龔嘉欣早前先後憑住劇集《香港愛情故事》在《萬千星輝頒獎典禮》奪得最受歡迎電視女角色，又憑劇集《殺手》奪大馬視后，事業再創高峰。昨日龔嘉欣就相約「少婦聯盟」其中兩位好姊妹陳凱琳與譚凱琪到家中慶祝，三人更疑似素顏上陣，大曬天然美。

龔嘉欣昨日相約譚凱琪（左）及陳凱琳到屋企慶祝。

三位美女素顏上陣，依然靚爆鏡。

難得相約好姊妹慶祝，龔嘉欣都有在社交平台貼出合照開心share。在公開的相片可見，三位美女都打扮得超隨意，更疑似素顏上陣，但依然省鏡到爆，當中作為一女之母的譚凱琪更加保養得極好，完全看不出她已經39歲，美貌絕對不比細她10年的陳凱琳差！

39歲的譚凱琪雖然已是一女之母，但依然keep得勁好。

而龔嘉欣更加點名多謝兩位好姊妹：「好開心我有咁好嘅朋友仔，第一個慶祝活動當然要留俾你地，Grace妳永遠都係咁支持我，同埋真係無所不談，呢份感情真係好珍貴難得！Zoie成日都係咁好、咁溫柔，仲要煲湯好好飲，我真係好幸福！新嘅一年希望我同我身邊嘅朋友仔，大家都身體健康、開開心心！」

娛樂