王敏德無視老婆齋錫個女　馬詩慧顯霸氣

馬詩慧自嘲喺屋企冇晒地位！

馬詩慧與女兒王麗嘉到場支持王敏德。

兩母女向Michael送吻。

點知Michael竟然只向阿女回禮，馬詩慧詐型後，Michael即補飛！

王敏德笑言乜都畀晒老婆！

成家都咁型！

兩母女着母女裝一啲都唔俗氣！

Michae話知道近排經濟受影響，但大家要向前行。

藝人王敏德（Michael）出席活動，太太馬詩慧及女兒王麗嘉到場支持，而兩人更以母女裝亮相。期間Michael獲得兩人送吻，點知Michael只向女兒送吻回禮，搞到太太「詐型」，最後Michael補飛呵番！

問到Michael設計手錶，有冇向太太取靈感？馬詩慧隨即再次「投訴」老公：「冇，佢唔會問我嘢，頭先你哋睇唔到玄機咩？（指老公錫女先），我喺兩個女同一個仔之下。」隨即問Michael同唔同意佢嘅講法，Michael隨即話：「同意。」場面搞笑。

講到手錶設計靈感，Michael話想加入中國特色喺入面：「個錶面好簡單，但背後有多重意義，我做咗咁多年飛虎隊嘅角色，亦都係一個機師，自己都好驕傲。」而早前馬詩慧「投訴」唔夠家用，問到今次酬勞會唔會畀晒太太，他說：「間公司太太都有份，我乜都畀晒佢，你睇吓我個樣幾辛苦。」而馬詩慧在旁亦點頭表示同意。

而近日市道低迷，問Michael驚唔驚影響銷量？他說：「我有睇新聞，知道影響緊經濟，但大家要向前行，想每個人都開開心心。」隨即又再重覆一次，令女兒忍唔住笑佢噚氣，Michael即說：「你笑乜嘢？老人家係成日重覆㗎啦！」

---------------

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。　

東網網站 : https://on.cc/

娛樂