【Twins Reborn】阿嬌受傷 阿Sa單拖幫手廣告代言？

鍾欣潼（阿嬌）早前在內地酒店受傷險毀容，其後竟宣布以「開心價」與代言多年的醫療及健康服務品牌續約，沒想到，原來好姊妹蔡卓妍（阿Sa）最近同樣加入成為代言人，更單拖拍攝全新廣告片，莫非日後如品牌名字一樣，變成「Twins Reborn」？

阿嬌成為品牌代言人多年，各大港鐵站及巴士站經常看到她的廣告牌，最近阿Sa同樣受邀成為代言人，阿Sa坦言十分開心：「Twins即將踏入二十周年。多年來Twins亦都係帶俾大家歡樂，所以我哋同品牌就好似同大家一齊成長。」

阿Sa表示，她一向小心選擇有關醫療及健康服務代言，今次促成雙方合作，一切都是因為阿嬌，阿Sa坦言：「知道阿嬌與品牌合作咗已經十幾年，淨係咁已經係信心嘅保証。」至於酬勞方面，阿Sa跟阿嬌的答案一樣，表示是開心價。

另外，日前阿Sa為品牌拍攝的廣告片，原本是跟阿嬌一起拍攝，不過由於阿嬌受傷關係，所以變成阿Sa單拖上陣，「好期待今次嘅拍攝。但因為發生咗意外，所以轉左形式，雖然有啲可惜，但最緊要係佢好好養傷休息，快啲好番，下次一齊再拍。」