KidzTech黃埔室內遊樂場 5.6萬呎海景繩網陣＋3米高滑梯＋大型沙池
KidzTech PLAYHOUSE位於黃埔，面積56,000尺，開幕2年！Blogger「和牛B的成長日記」眼見疫情稍為緩和。上星期帶咗和牛b同妹妹去黃埔全新嘅室內遊樂場KidzTech，5.6萬呎場地非常大，加上無敵大海景，3米高的金屬滑梯、巨型彩虹繩網、電動車場等，完全可以讓小朋友盡情放電。而且入場費都係$180包一位成人和一位小童，如果想去玩，記得先上網預約！
撰文、圖片：和牛B的成長日記 ｜編輯：Billie
黃埔KidzTech-全新室內親子遊樂場
KidzTech佔地56,000尺親子共融空間，成個場地都對住無敵大海景，有自然光，所以都好舒服。而且有室內大型遊樂場、仲有Fill in餐廳、廚藝教室、多用途派對場所、教育中心、共享工作空間！黃埔KidzTech賣點包括巨型七彩繽紛嘅繩網陣，仲有幼兒玩具小馬等。
黃埔KidzTech巨型七彩繽紛繩網陣
巨型七彩繽紛繩網陣小朋友一定喜歡，今次有朋友壯膽，和牛b都爬上去玩繩網陣。不過的確需要力氣、膽量，所以都係一個好好嘅玩意！
KidzTech遙控車區及野生動物森林區
場內還有提供一些野生動物模型及遙控車給小朋友玩耍！
KidzTech兒童變裝區
兒童變裝區，可以讓小朋友扮演公主、消防員等，可以著住影靚相啦！
KidzTech大型沙池區
大型沙池區非常適合小朋友，因為工具都有齊。玩完仲有風筒，可以吹走腳上嘅沙。
KidzTech幼兒玩具區
場館亦劃分了幼兒區域，讓家長可以與幼兒一起玩耍，而這裏的玩具就正好適合妹妹玩了。
KidzTech互動STEM遊戲
KidzTech亦加入了STEM教育於遊戲中，是親子互動玩波嘅好地方，入面有唔少裝置都好有特色，與STEM扯上關係，讓小朋友在玩樂中學習到STEM教育。
KidzTech滑梯區
仲有超刺激，三米高滑梯，遊戲適合110cm身高以上兒童玩，不過疫情關係所以此區原有嘅波波，現時都唔會擺放。
KidzTech圖書閣
呢到有好多圖書，亦有閱讀區，圖書閣《繪本花園》，地下仲有3D影相位。
KidzTech大型立體積木
當然唔少得小朋友最鍾意的積木啦，場內設有大大小小不同的積木區域，非常大的空間讓小朋友盡情砌！
KidzTech電動車場
現場仲有得玩高卡車！
高卡車價目表 二人同行價 $110 星期一至五開放（10分鐘/位） $30 周末及公眾假期開放（15分鐘/位） $60
萬聖節烘焙工作坊
Halloween主題派對工作坊，可以製作得意鬼怪家族麵包和哈佬喂幽靈派對布朗尼。得意鬼怪家族麵包係日本常見的咸麵包，小朋友可以自由發揮，創作不同的鬼怪造型。哈佬喂幽靈派對布朗尼就可以用色彩繽紛嘅朱古力同餅乾做裝飾，做出小朋友最愛的造型，又靚又好味啱哂小朋友，快啲去參加同小朋友一齊過一個開心嘅萬聖節啦！
工作坊 收費 內容 得意鬼怪家族麵包 $398 ．2小時烘焙體驗 ．7個鬼怪造型麵包 哈佬喂幽靈派對布朗尼 $468 ．2小時烘焙體驗 ．1個鬼怪造型布朗尼
話咁快就完成！場內氣氛都好好，小朋友都扮鬼扮馬，仲有好多可愛萬聖節裝飾。KidzTech仲有姐姐派糖，和牛b同朋友都超開心呀！
玩完一輪超放電、超肚餓！所以，就去了場內「Fill in」餐廳食個萬聖節午餐。
KidzTech母嬰友善設施
場館非常體貼地設有母嬰友善設施，可以讓媽媽餵哺母乳。
KidzTech 黃埔
遊樂場預約連結（建議想到Fill in餐廳用膳的話，可以先預約）
餐廳網址: https://www.facebook.com/fillindc
餐廳電話: 9545 6909
地址：九龍黃埔環海街11號海名軒5樓
查詢: https://bit.ly/38pQA9H 或3168 6809 (遊樂場熱線)
Facebook專頁:和牛B成長專頁
Instagram:wagyubmami
常見問題：
問：黃埔KidzTech室內遊樂場地址是？
答：九龍黃埔環海街11號海名軒5樓。
問：KidzTech裏有甚麼遊戲設遊？
答：園內有3米高的金屬滑梯、巨型彩虹繩網、電動車場等等。
問：KidzTech需要預約嗎？
答：為確保大家安全順暢入場，建議先網上預約。