網民狂鬧食「人血饅頭」 鄒凱光出Slogan Tee賣$299：「呢批衫我係決心賺錢，因為我都要食飯。」

近排藝人在社交平台的言論動作特別令人關注，表態未？鄒凱光(灘叔)一直有表態關心示威人仕，表明站在雞蛋一方，但都出事喎，點解呢？事源他推出了一系列Slogan Tee，當中包括「Be Water Stay Here」、「Saving Lives is not a Crime」等等說：「希望打打氣。」不過好快就被網民鬧爆食「人血饅頭」，又有粉絲說他「發戰爭財」，因為賣$299太貴。之後灘叔就一副「我笑他人看不穿」的嘴臉回應說這些Tee係「對大時代嘅感覺，唔關呢件事。」之後再話：「每樣嘢都有成本，我想用自己創意紀錄低香港近期嘅狀況。」你明唔明呀？

其實早於23日灘叔已經著其中一件他稱為volunTEE的Tee去看鄭秀文演唱會合照，之後就出post說很多人問他這件Tee哪裏買，他說之後會公佈。終於他就出了幾張volunTEE的相，並公佈：「各位我設計了五款VolunTEE，希望打打氣，又或者幫吓呢排要換好多件衫嘅朋友們！想訂購的inbox講低要邊件，什麼碼，299一件。先訂購再通知取貨方法，第一批訂購好大機會八月四號兜口兜面大派發。」之後網民開始留言「人血饅頭」、「發戰爭財」，還有：「其實做開廠都知自印tee，20件都係$50-$60/件。」當中也有賺的：「啲小人物心裡只有錢錢錢。不過都欣賞佢做個真小人，在香港娛樂圈已經好難得。」

之後灘叔就開始回應：「我喜歡看事物有另一個角度的人，全世界看不出，不代表我看不出！好嘢！大家都咁攰，仲可以有力插我，揭穿我，其實真心要多謝！更加要多謝訂了Tee的大家俾我呃錢！祝我這種賤人一世無桃花。不過VolunTee我會照推！」也有人把這些Tee和之前有人印製的「抽水」Tee比較，他就回：「如果妳認為出『自由x』同『唔好搞我後面』係可以同我呢次相提並論！其實個基本妳已經有決定，我再講都多餘！妳仲話一向有跟開我，我已經講到出口，大家負責嘅嘢唔同，我知前線果班好慘！咁係咪我哋要全部一齊鬥慘就代表支持，我係負責其他人繼實上路，呢批衫我係決心賺錢，因為我都要食飯，我用我創意換人工，呢個係我三十幾年嘅搵食方法！如果妳從前有支持過我，妳應該唔誤解！」最後還開Live解說一下：「就係咁之嘛，就係咁之嘛。」灘叔說想用自己創意紀錄低香港近期嘅狀況：「如果你覺得兩嚿幾水可以養活到我，咁你係覺得我同你係同一個level，咁你就錯！」