小S 18歲大女高中畢業　超模身材谷胸秒贏阿媽

台灣藝人徐熙娣（小S）與丈夫許雅鈞育有3名女兒，佢月頭先去完細女「許老三」國小畢業，大家紛紛驚訝阿女遺傳媽媽最強基因，估唔到一轉頭又到18歲大女Elly（許曦文）高中畢業，佢身穿黑色低胸長裙，身材窈窕修長，雪乳、玉背吸睛，Top Model霸氣秒殺全場，小S都自豪留言：「誰這麼會生啊？嚇死人！」好友陳建州亦道恭喜。

Elly晒索相又留言：「我本來以為我畢業會超開心，結果我大哭」仲公開同媽咪小S合照，驚喜登場嘅佢，一樣着黑色晚裝，企Elly身旁搔首弄姿，竟被又高又索嘅愛女比下去，不過兩母女無計啦。有網友自稱係Elly鄰居，大讚佢依家亭亭玉立，完全係位名媛。

Elly才貌兼具，早前被爆已申請上南加州大學、加州大學柏克萊分校，準備赴美念書，小S到時會陪佢過去安頓。

東網網站 : https://on.cc/東網Facebook專頁 : https://www.facebook.com/onccnews/