張繼聰報喜《金童》破千萬　「我做到，任何人都可以」

由張繼聰主演的電影《金童》，上映至今票房去到昨晚（28/12）已衝破1,000萬大關，電影由籌備、製作、上映到上映後，都一直迎難而上，原本對千萬票房不抱厚望的張繼聰，昨晚終於美夢成真，更以自己的經歷同大家講︰「生命會帶我去我本應要去到嘅地方……我做到，任何人都可以！」

突破千萬後，張繼聰拍片向觀眾表示感謝，更為大家許下一個新年願望︰「新一年願每個人都可以搵到一個理由，無論遇到咩困難，都可以記住點樣企返起身！」隨後，阿聰再在社交平台發文抒發感受︰「一開始就係一條大斜路，條路幾難行，我哋都有講有笑，一步一步行上去 終於俾我哋睇到最美麗嘅日出。」不過整個經歷，令阿聰最開心是證明到一件事︰「Follow my highest excitement 呢個唔係口號，我用我嘅人生去實踐，生命會帶我去我本應要去到嘅地方 需要嘅嘢，一樣都唔會缺少！」最後再勉勵大家一句︰「我做到，任何人都可以！」

電影《金童》曾經成為香港影壇的都市傳說之一，由操肌拍攝開始，已經遇上重重困難要歷時2年多，到拍攝完成後，其中一間有份投資的電影公司結業，後期製作資本一直受困，輾轉多年最後阿聰決定自資6位數出來埋尾，以為一切將步向曙光，電影上映3日更迅速破200萬，成績亮麗，殊不知大埔宏福苑發生大火，全城愁雲慘霧，作為大埔人的阿聰更身同感受，所有謝票場暫停。以為士氣受挫便一沉不起，慶幸天無絕人之路，票房慢慢再熾熱起來，最後在上映第五周的這一天，迎來突破1000萬的好消息。