陳法拉拍攝自編自導短片　每個部門工作參與其中

女星陳法拉日前應品牌之邀出席於紐約下城區退役地鐵站舉行的時裝騷，法拉近年定居紐約，她透露在當地也經常乘搭地鐵：「因為趕時間，搭地鐵會比較方便，所以有時會穿着得隨意啲，有時又會著得正裝一啲。喺地鐵入面有各種形形色色嘅人，睇到好多人生百態，有時會畀到自己唔同靈感。」

被問到覺得紐約最迷人的地方，法拉認為是在這裏有很多文化藝術交集：「呢度有好多唔同嘅藝術家，例如畫家丶舞蹈家丶演員等，佢哋嚟自世界各地，都帶住一個夢想或者想尋找一啲自己嘅夢想，就好似我一樣，喺呢度學習戲劇，然後希望繼續做演員。喺紐約好容易接觸到唔同嘅藝術，每日都有百老匯表演丶唔同嘅展覽等等，係一個文化好豐富嘅地方。」近日，法拉即將拍攝再次自編自導的短片，她表示：「短片每個部門嘅工作我都會參與，包括服裝丶攝影丶道具等等，每日不停開會。而今次短片特別嘅地方，就係有英文亦有廣東話，故事內容遲啲再同大家分享，希望下年可以放映。」

東網網站 : https://on.cc/東網Facebook專頁 : https://www.facebook.com/onccnews/