與王智騫BL組合「分手」　范麒智淚別：孤單唔習慣

范麒智（Kenji）與王智騫（Martin）曾於2023年為ViuTV主持《甜酸苦辣鮮》，去年更成為台灣BL劇的首對港產CP男主角。在《靈魂約定》有不少出浴、裸露、親密戲等激烈場面，而Kenji更將自己的熒幕初吻交給Martin。日前二人出席《Kenji & Martin Fan Meeting 2026 in Hong Kong》，是他們相隔兩年再於香港開見面會，除香港粉絲外，更有遠道而來的中丶日丶泰丶台的支持者撐場。

Kenji與Martin在見面會上不單擺招牌甫士給粉絲影相，還特地增加許多互動環節，近距離跟粉絲玩遊戲，亦首度在香港獻唱《靈魂約定》主題曲《換不了的你》。不過開心熱鬧背後，今次極有可能是兩子短期內最後一次合體，因為隨著Martin早前宣布離開經理人公司昇陽娛樂，這個期間限定BL組合暫未知何時再聚，兩人於活動上亦不捨落淚。

Martin透露自己是於去年底決定離開，迎接新挑戰：「離開係想有新開始，做呢個決定需要勇氣，亦都好唔捨得。而家喺新環境識到好多新朋友，但都會成日諗起Kenji，啲新朋友好後生，好有佢嘅影子。」Kenji直言現時拍攝只剩自己一個，難免感覺孤單，剖白心聲表示：「初入公司已經認識Martin，所有行程都一齊度過，好難得！多謝Martin嘅陪伴，佢係我成長中不可或缺嘅人，知道佢即將有新嘅去向，祝福佢有更好嘅發展，我永遠都會支持佢去做佢想做嘅事。而家拍嘢得返我自己一個，都有少少孤單唔習慣。」

Martin表示正積極裝備自己、學習更多新技能，希望將來能為觀眾帶來更多新面向，而Kenji亦說：「本身我哋都冇話一定要框死係BL組合，始終當初《甜酸苦辣鮮》都係兄弟咁樣行出嚟，到有《靈魂約定》先有呢個BL組合，我哋咁多年來都係好好嘅師兄弟，佢係一個幫助我成長好重要嘅人。我覺得BL呢個話題，暫告一段落，嚟緊自己會準備多啲喺演戲方面。」二人雖然不捨，但之後仍會私下約食飯、出街，Martin表示：「呢行總有機會再遇，香港又唔係大，撞到嘅機會都好多，我反而期待之後喺其他Project撞到，用其他角色認識大家都係好事！」