AL舉家遊日洩與父親的關係　Edan提早慶生小儀做MC被嫌冇驚喜

終於輪到男團MIRROR成員Anson Lo（AL）離港旅遊充電，繼Jeremy、Stanley、Ian及Anson Kong分別到日本滑雪及飛抵澳洲出席唱片監製陳孝威及前Super Girls成員Yanny的婚禮後，AL亦在社交網分享偕父母，還有胞姐到日本展開家族庭旅行，由香港機場上機，再到日本食喝玩樂及遊名勝都全程直擊，留言：「My family trip finally. My turn to take care of you three. （終於今次家庭旅行，由我去照顧佢哋3個啦）」，其中幾張全家福，更洩露了AL和爸爸的關係，發現兩仔爺曾戴同款眼鏡外，還着了父子裝毛衣，相當甜蜜，更有「神徒」（粉絲暱稱）指兩父子如餅印，可破AL整容之傳言。

至於另一位成員Edan將於1月21日29歲生日，有「爵屎」（粉絲暱稱）們提早為他舉行聚會慶生，並請得「前妻」阮小儀擔任司儀，應「爵屎」要求以一身白馬王子look示人的他，被粉絲再要求解西裝褸鈕露胸肌，但他大條道理拒絕：「冇打底，唔扣就唔係V(Deep V)。」「爵屎」送上3層高蛋糕，並全場大合唱英文生日歌賀壽，他許願謂：「希望大家真係愈嚟愈好，帶多啲愛畀身邊嘅人，一齊進步，唔好咁容易比出面影響到自己，要踏實，一齊變得開心，幸福。」切完蛋糕就到無人機表演，在播放《My Apple Pie》時，無人機更砌出不同圖案，小儀謂看見蘋果批，但Edan則搞笑謂：「唔講唔知。」

活動後有「爵屎」在網上分享聚會後感，指「小儀做主持冇驚喜」，而小儀本尊回覆：「唔知點畀驚喜你，唔好意思。但我只係盡我能力，希望稱職地做好我要做嘅工作，驚喜應該係大家喜歡的Edan與爵屎們一齊享受的下午，一齊有個難忘回憶。」

東網網站 : https://on.cc/東網Facebook專頁 : https://www.facebook.com/onccnews/