阿Dee嘆ERROR唔爭氣　求變免被淘汰

何啟華於新劇中與練美娟談了一場青梅竹馬的愛情，表示非常嚮往這份純粹的戀愛，只怪不夠柯煒林般靚仔，柯煒林不敢認靚仔，劇中演謝君豪的年輕版，自嘆沒有雙眼皮感覺有壓力，何啟華今年出道6年，個人發展不俗，但承認團隊ERROR不夠爭氣，是時候要轉變和成長。

何啟華（阿Dee）和柯煒林（Will）有份參演新劇《光明大押》，Will飾演謝君豪的年青版，而阿Dee就與謝君豪的女兒練美娟談戀愛，2人處於不同時空沒有對手機會，日前為劇集宣傳終於碰頭。阿Dee表示開工前做定準備功夫，不過拍完第一鏡頭導演卻不收貨，要求他演得再「自閉」一點，初初會有點迷惘，幸跟着導演指示下帶住感覺去演，能夠自然地發揮。阿Dee的角色自小迷戀練美娟，他自爆中學時有過一段puppy love，中一起暗戀女同學到中四：「好嚮往呢種愛情，彼此乜都冇，冇生活壓力，進入社會後就好複雜。（現在搵唔到愛情？）好多女仔追我排到尖沙嘴，講笑！我都唔吸引，冇Will咁靚仔。」

Will否認顏值高，自小親友都只讚細佬靚仔，入行後被讚靚仔感覺好古怪，覺得大家對他寬容：「當我收到要做演靚仔角色會好大壓力，好似《Food Buddies》真心大壓力。（今次演年輕版謝君豪？）仲大壓力，前輩咁靚仔，雙眼皮大眼，我調轉係內雙眼皮細眼。」

阿Dee早前被爆買兩物業做業主，他表示並非一個人買兩個單位，暫時未收樓，至於近日有份投資的食肆止蝕離場，他解釋經營生意兩年一直倒貼，認為是做生意的方向錯：「因為一開始目的不為搵錢，只想有個屬於自己地方，撐咗兩年頂唔住，生意每況愈下，現在對做生意有恐懼。」入行6年，他自言個人發展不錯，ERROR就不夠好：「ERROR唔夠爭氣囉，好似一個舊品牌會隨時代巨輪轉變，要留低定轉型？就好似光明大押咁，ERROR都會被時代轉變，必須求變，最大問題係ERROR已經唔再fresh。（擔心被淘汰?）擔心呀，有前輩話係個圈揀你，唔係你揀個圈。」

Will指入行以來便沒有經歷過電影盛世，笑言聽到前輩講以前電影的光輝歲月，感覺好像在聽一個傳說：「出道就快10年，仲有好多同輩演員喺度努力，因為鍾意先至留低。」

何啟華

化妝：Cori Wong @Annie G. Chan Makeup Centre

髮型：Harris Lai @CHIC PRIVATE i SALON

柯煒林

化妝：Tammy Au

髮型：Oscar Ngan

東網網站 : https://on.cc/東網Facebook專頁 : https://www.facebook.com/onccnews/