姜濤墮海「復活」　精神飽滿大嗌：I'm fine！

姜濤、Anson Lo、Edan以及Jeremy亮相活動，墮海後首度見粉絲的姜濤，精神相當不俗，並親自向在場的Miro報平安：「歡迎所有Miro，雖然今晚有啲活動舉行唔到，但我哋都會用百分之百嘅努力去令大家開心，希望大家有一個美好嘅夜晚。」司儀再叫姜濤報平安，他即謂：「冇錯！I'm fine, OK!」現場Miro即報以極大歡呼聲，姜濤續說：「所以唔使擔心！」姜濤報完平安後，都有坐下，見姜糖們不停高呼，都有不停做「豎拇指」、「派心」等動作，逗得姜糖們全程開心大叫。

另一人氣成員Anson Lo明顯亦抱恙亮相，進場時，步屐極之緩慢，以及右手輕掩腹下，司儀同樣叫他報平安，他則表示：「大家好，我啱啱做完手術一個禮拜左右，依家康復中，無事嘅，我仲可以喺度見到大家，唔好意思，今日我哋嘅形式有啲改變，為各方單位都好抱歉！好多謝大家都好體諒，同嚟咗見我哋，我哋一齊加油。」

Anson Lo在活動上，似乎手術後未完全康復，見身邊的隊員對他持別照顧，但他步屐緩慢，期間他行去落下時露出痛苦表現，反而墮完海的姜濤，其狀態更好，蹺住腳做出派心、豎起姆指及勝利手勢，還不時回頭望觀眾席的姜糖，面露微笑。

延伸閱讀：姜濤墮海即出院出席活動　現場取消與Fans玩遊戲環節

東網網站 : https://on.cc/東網Facebook專頁 : https://www.facebook.com/onccnews/