鍾雪瑩蔡思韵踏入30歲　交換日記做筆友

藝人鍾雪瑩與蔡思韵（Ceci）去年同樣踏入30歲，兩人花了一年時間，用文字以交換日記的方式紀錄了人生步入30歲的轉變及心情，並以兩人的姓氏諧音，集結成新書《種菜日記》首攻書展。

首次出書的Ceci坦言心情十分緊張的說：「其實呢本書並唔係深度嘅文學作品，我同阿雪各自以日記方式互相分享過去一年生活同工作上嘅點滴，有時遇上心情唔好都會彼此鼓勵。」而阿雪對新書的面世甚為期待：「我以往通過睇其他人嘅交換日記而獲得趣味同感動，希望我哋都透過呢本書嘅閒話家常，釋出力量畀讀者。」

藉著過去一年的日記交往，讓兩人友誼增進，並成為好朋友，Ceci很享受這份友誼，她說：「交換日嘅念頭係阿雪萌起嘅，一直以來佢都很想實現呢個想法，可惜苦無對象，正好我同佢去年剛踏入30歲，係人生成長嘅另一階段開始，有共同嘅感覺，於是大家就順理成章啟動咗呢本日記，透過文字抒寫30歲嘅生活同心態上嘅轉變，可能係一啲有趣嘅小日常或者情緒上嘅抒發，只要有時間，都會留言回覆對方，成為真正嘅筆友。過去一年嘅文字往來，冇任何修飾，如實嘅紀錄落嚟，喺書中真情展現。」

面對30歲的人生新階段，Ceci感覺比年輕時所想完全兩樣，她豁然開朗的說：「年少時覺得3字頭對自己嚟講好遙遠，或者好難想像自己會變成一個點樣嘅大人？但轉瞬間踏入30歲嗰一刻，不但冇焦慮感，反而開心成為大人，可以隨心而行，感覺愈了解自己就變得愈自信，自信令自己成為一個快樂自在嘅人。」

東網網站 : https://on.cc/東網Facebook專頁 : https://www.facebook.com/onccnews/