姚焯菲返新西蘭讀書　要呢個時候先諗拍拖

《聲夢》歌手姚焯菲（Chantel）今日（27日）出席商場活動，獻唱新歌《Dreamscape》及《初心小島》，她透露今晚便要離港返回新西蘭，問到今次在港逗留兩星期中最開心的事，她說：「見到粉絲當然好開心，另一件開心事係我錄咗一首新歌，係慘情歌，比我預期錄得好同投入到首歌，預計7月會推出。（你靠自身經歷投入？）冇，我都睇好多愛情片，同埋要靠少少幻想，要諗啲好慘情嘅嘢。」問可會渴望愛情，她坦言今年沒有，因為整個腦也是讀書：「但如果冇都係大問題，我希望讀好書先，入大學再諗。」

至於回港期間可有跟After Class成員見面？她坦言只見了炎明熹，因鍾柔美及詹天文要考DSE，所以不便打擾她們：「萬一因為我而溫唔掂點算，溫書最重要係專心，而且我知道佢哋溫書時係會匿埋，唔會睇電話，當然我都有傳短訊叫佢哋加油。」另外，提到《聲夢》成員冼靖峰所屬的新男團LOONG 9，首個公開活動臨時取消，問到會否為對方感可惜？她稱不知情，相信對方也要等公司安排。

東網網站 : https://on.cc/東網Facebook專頁 : https://www.facebook.com/onccnews/