杜如風涉谷區嘆「痛風鍋」　睇中逾4萬元名牌手袋

有「日本旅遊達人」之稱的杜如風（Helen）主持的無綫旅遊節目《解風東京2》，再闖東京，不忘初心繼續「食玩買」。昨晚（6日）首播Helen來到涉谷區，介紹一款海鮮控不能錯過的「痛風鍋」，笑言「痛風病友真係唔好食，因為全部都係海鮮甲殼類。」又搞爛gag，話自己「無痛風因為我叫杜如風」，形容鮟鱇魚肝時「淡淡地唔係腍身…係沖涼嗰啲『淋身』」。

之後又到90年代復古風的名牌店血拼，流出「第一滴血」。今晚（7日）Helen重臨《解風1》曾經介紹的二手名牌店，睇中一款星星型名牌袋︰「真係從來未見過，呢啲咪罕有，貴就貴在呢度囉，出面搵唔返，我次次都係咁同阿媽講。」而罕有的代價盛惠80萬日圓（約42,500港元），之後又對另一款迷你背囊另眼相看，陷入極度糾結的情緒，徘徊在買與不買之間，並自言自語說︰「死梗喎呢個真係，未諗到藉口同媽咪講……」。

東網網站 : https://on.cc/東網Facebook專頁 : https://www.facebook.com/onccnews/