阿媽引「郎」入室｜港女買綠置居想棄12萬訂金「止蝕」？網民一致支持：撻訂！

近年「綠置居」成為不少公屋租戶晉身為業主的途徑，一名女子近日卻在Threads發文訴苦，表示自己與母親一同申請綠置居，並已付12萬元訂金準備上車，卻因為母親一個突如其來的「非金錢」要求，令她想打退堂鼓，於是發帖文向網友徵求意見。

樓主透露，母親向她表示希望與男友一同住在綠置居單位；樓主表示不同意，更因此與母親多次吵架，她強調：「我係一個女仔，我點可能同個三唔識七嘅麻甩佬一齊住呀？」樓主又指，母親沒有「夾錢」付訂金，亦沒有工作能力，其男友是「廢柴一個」，故她不想繼續交易，想及早止蝕，忐忑的她向網友求助：「我應該點算好？」。

帖文引來眾多網民熱議，網友幾乎一致勸退樓主：「撻訂！」指其母引「郎」入室，易請難送！並批評其母自私，只顧男友，不理女兒感受。眾人都勸樓主壯士斷臂，放棄12萬訂金：「算啦，嗰12萬就當自己去左歐洲旅行，使完再儲過」、「撻訂，你一生人只會後悔蝕咗12萬，唔撻訂，你要後悔嘅嘢唔係用幾十萬衡量到」。

亦有網民替樓主「預想」將來：「止蝕穩陣，到時個男人趕埋你走，你仲大鑊，你諗下，如果三個人住，你係返工嗰個，你一出咗門口，佢兩個點樣反轉間屋都唔知啦，要趕你走，可以逐日逐日慢慢部署，你好危險。」

想緊貼樓市最新動態，記得追蹤28Hse以下平台！

財經