阿諾舒華辛力加訪問演員兒子大談劇中露B鏡頭　網民批評好古怪

荷里活動作巨星阿諾舒華辛力加（Arnold Schwarzenegger）與演員兒子柏德烈舒華辛力加（Patrick Schwarzenegger）最近獲美國電影雜誌《Variety》邀請進行對談，並由阿諾當主持人問兒子問題。

阿諾最初大讚劇集《白蓮會》（The White Lotus）令兒子爆紅，他說：「你喺劇中嘅演出令我超驚喜。我完全唔認得你。今次咁成功你感覺如何？」獲父親大讚柏德烈即時顯得好開心並回答：「多謝，對我嚟講呢個真係好虛幻，尤其我哋可以喺度交談，我哋從未試過有45分鐘時間講演戲。呢個劇其中最好部分就係有好多人賞識我個工作，我之前拍過好多劇都冇乜人睇過。」

而阿諾於訪問中亦有提到兒子於《白》劇的全裸鏡頭，他說：「我當時真係唔能夠相信。我同自己講：『我睇緊你個劇，而我睇緊你個屁股打出嚟。』突然間，我見到你個『何Ｂ仔』。究竟發生緊咩事？真係好癲。之後我同自己講：『阿諾，你冇嘢嘛？你之前喺《王者之劍》（Conan）同《未來戰士》（Terminator）都係咁，所以你唔好投訴喇！』但你咁樣跟足我個步伐都令我好震驚。」阿諾談論兒子「露械」言論即獲網民談論，有網民指阿諾的言論既搞笑又尷尬。不過亦有網民批評認為整個言論古怪及恐怖。

東網網站 : https://on.cc/東網Facebook專頁 : https://www.facebook.com/onccnews/