張敬軒清潔錄音室為開班授徒　圈中人爭住報名

歌手張敬軒（軒公）近日趁有「Me Time」特別化身「清潔員」，為其主理的錄音室清潔一番，並將相片於社交平台分享，看他非常專心地清潔錄音室每一個細節位，並留言：「抹走四十幾年嘅塵」

未知是否清潔完錄音室，心情大佳，軒公特別在臨瞓前向大家宣布一個好消息，指自己將會在9至11月開班授徒，將多年來自己於唱歌方面的經驗跟大家分享，並且非常有系統性，軒公謂：「我將我自己寫低超過四百幾頁嘅練習筆記同舞台Notes變成四個大範疇嘅講座，我亦都會拆解我部分嘅作品嘅處理思路同埋演唱方法，9、10、11月開壇，有興趣嘅朋友就留意遲啲嘅消息喇。」

張敬軒開唱歌Workshop分享唱歌經驗，當然一呼百應，圈中人林盛斌、黎美言以及傅珮嘉等爭住報名，其中林盛斌更向張敬軒發問：「嗱，我嘅機會終於嚟啦，我純粹想執一執自己啲高音啫，搞唔搞到先？」張敬軒亦幽默回覆：「執咗啲低音先。」並配以「笑到喊」的Emoji，十分搞笑。

東網網站 : https://on.cc/東網Facebook專頁 : https://www.facebook.com/onccnews/