姜大衛細仔認對關嘉敏有好感　出招博紅顏一笑

無綫戀愛綜藝真人騷《女神配對計劃》播出以來成全城熱話，節目明晚（22日）會播出關嘉敏（Carman）組的「三角枱約會」，Carman組的3名參賽者姜卓文（細John）、iBanker黃家俊及攝影達人劉榮業主力行「禮讓」及「搞笑」路線，而4人之中最搞笑的竟是Carman本人。

Carman原打算着到靚一靚、以最佳姿態與心儀參賽者細John深入了解，但Fine Dining一開始已儀態盡失，選了牛肉他他作前菜的Carman，未知是否太過緊張，上菜後不慎將大量牛肉他他跌在枱布上，為免女神太過尷尬，3位男士各出奇謀安撫，當中細John除說了一句「睇唔到睇唔到，幫你遮住」，為Carman擊退尷尬，還Man爆地幫Carman清理「被沾污」的枱面，暖男指數100分！

除了細心夠轉數，細John打開話題的能力亦相當高，當獲得與Carman面對面對話機會後，細John即乘勢重提2人當日首次見面時細節，並直球表示當時對Carman其實有好感，雖然細John與Carman面對面了解機會不多，但二人竟光速地聊到「你做我女朋友會唔會緊張」及「見家長」等問題，調皮的細John更主動提議要扮演見家長中的姜大衛，結果成功令Carman一秒爆笑，細John還自揭全家都是瘦底：「我阿爸同我一樣大嘅時候，佢係120磅，佢嗰時成日跳彈床，武打嗰啲，所以佢一日嘅運動量係超高。」

東網網站 : https://on.cc/東網Facebook專頁 : https://www.facebook.com/onccnews/