星玄｜戴祖儀大騷長腿恨拍拖　黑絲打扮展現Fit爆身材

今日係5月14日農曆四月初七，肖豬嘅朋友桃花旺，單身者容易獲得異性的好感。而戴祖儀（Joey）就係肖豬，其實Joey身材非常有料，之前拍攝劇集《飛常日誌》嗰陣，就以空姐制服加上黑絲打扮，完美展示Fit爆身材，仲大晒逆天長腿，從而被網民封為「美腿代表」，身材咁好就無謂嘥，趁桃花運勢咁好，出去參加多啲Party，識多啲朋友啦！

呢排Joey心情唔錯，打扮得靚靚出去行展覽，同玩具合影，着短裙騷長腿，望落有成7呎高，一定索爆全場啦！仲話識咗好多新朋友，話唔埋好快就會有好消息公布。

今日幸運星係天蠍座，幸運指數排第一，單身者可打破感情悶局。天蠍座嘅阮經天憑電影《周處除三害》，再創事業高峰，事業如意，感情方面又豈能落空，早前張鈞甯透露，身邊好朋友都想撮合二人，甚至講笑話，如果等50歲兩個人都單身，不如就試下拍拖，阮經天有幸運之神嘅力量，不如嘗試主動打破困局，話唔埋有驚喜！

東網網站 : https://on.cc/東網Facebook專頁 : https://www.facebook.com/onccnews/