周美欣結婚1周年宣布懷孕：急不及待做母親

與張嘉兒和王君馨同屆嘅前港姐周美欣近年已返加拿大發展，上年同圈外有米男友John喺美國夏威夷嘅沙灘舉行婚禮，婚後過住寫意生活嘅佢，昨日（12日）母親節同家人去咗美國拉斯維加斯嘅沙漠風景區旅行，而今日（13日）佢趁住剛好結婚1周年，於社交網大晒佗B相宣布喜訊：「我的肚子裏有東西在生長，急不及待地想加入母親行列。」佢透露已懷孕17個星期，不過相中睇到佢雖然個肚都好大，不過手腳就依然纖瘦，果然係天生麗質，網友亦紛紛留言送上祝福，仲好奇問佢係佗仔定女呢？

東網網站 : https://on.cc/東網Facebook專頁 : https://www.facebook.com/onccnews/