張敬軒提攜後輩不遺餘力　Delta T視為恩人

全能音樂人Delta T（蛋撻頭）為宣傳實體唱片接受電台訪問，大談合作過的多位歌手，談及最早找他合作的ERROR成員吳保錡，他說：「係無啦啦，保錡有日DM我搵我合作，任何一個搵我嘅人我都無諗過，梗係好，起碼佢入咗行，我唔放過任何機會畀大家認識我。」Delta T讚保錡是行動派，不會拖延時間，至於保錡經常撞板，他說：「哈！佢衝動嘅，所以亦都正常。」

Delta T亦成為193的好友與監製，他認同193本身不是科班出身的歌手，但他指193有其聲音特質：「每個歌手都有優缺點，監製就要將歌手優點放大。其實193有一把好滑、好溫柔同好輕嘅聲線，所以無論係幫佢寫歌或錄歌，就應該去放大呢樣嘢。」對於193的作品被評過度倚賴Auto-Tune，他重申：「坊間hater真係唔熟Auto-Tune，如果要執走音，根本唔使用Auto-Tune！有另一個軟件可以執到好自然，而且無Auto-Tune嘅感覺，用Auto-Tune反而花更多功夫。Auto-Tune其實係一個效果選擇，究竟我哋想唔想要一個唔自然同啲人聲平晒的效果？唔同歌手，有人適合，有人唔適合，譬如我同林智樂試玩歌，佢把聲好細膩就唔適合落Auto-Tune，而193本身把聲偏向滑，落Auto-Tune就再滑啲。」合作數年，Delta T亦見證193轉變，「佢變化好大，我第一次同佢錄係《再次PuppyLove》，我咁講好衰，佢當時已經處於一個唔想亂咁唱階段，最初佢係有少少亂咁唱感覺。到一兩年後再同佢錄，就覺得『嘩！你唱得好咗咁多！』佢話：『我而家有學唱歌嘛！』真係唔同晒，以前我係要求佢唱到首歌，而家係我要求佢點唱好首歌。」

先為ERROR成員做歌，繼而獲張敬軒及古巨基賞識邀請合作為人認識的，為全能音樂人Delta T（蛋撻頭）接受雷霆881商業一台《星光背後》專訪。Delta T 五年前以獨立歌手身份出道，其實他早於唸大學時已與友人組成「清晨樂團」並參與不少歌唱比賽追夢逾15年。節目中，Delta T除了大談他儲錢裸辭入行、網上自學曲詞編監？打碟成就出碟及首次開騷的心願外，還大談被張敬軒及古巨基賞識經過，與及監製保錡及193(郭嘉駿)歌曲的趣事，對於193錄歌被評倚賴Auto-Tune(自動調諧)，身為監製的Delta T說：「如果要執走音，根本唔使用Auto-Tune！」

Delta T於2020年以獨立歌手出道前，早已將作品放上網，最早找他合作的圈中歌手，是ERROR的吳保錡，他說：「係無啦啦保錡有日DM我搵我合作，任何一個搵我嘅人我都無諗過，梗係好，起碼佢入咗行，我唔放過任何機會畀大家認識我。」Delta T讚保錡是行動派，不會拖延時間，至於保錡經常撞板，他說：「哈！佢衝動嘅，所以亦都正常。」

2021年，張敬軒邀請Delta T為其一曲《Sweet Escape》撰寫歌詞，亦因軒仔推介令Delta T開始為人認識，Delta T視軒仔為恩人，也估不到自己一首玩味作《通心粉》會被神級歌星留意，「非常感謝張敬軒，我正式入到行，同佢有最大關係！又係最初收到佢嘅電話，我仲以為係騙徒。去到今時今日，如果件事唔係發生自己身上，我都唔信，係唔會信佢會留意《通心粉》呢首歌。因為呢首歌冇嚟正經，同佢出啲歌完全唔同。佢話要我寫《Sweet Escape》，仲話目標要『少少鹹多多趣』！竟然佢有咁嘅諗法，好！我就同你寫！當佢睇到啲歌詞，仲話我係鹹濕仔！」合作此曲後，Delta T感謝軒仔不時邀他分享作品，令他獲益良多，他亦大讚軒仔與古巨基都是敢於嘗試的神級歌手，「我諗正正因為佢哋肯試新嘢，就能夠上位，對我係好好嘅榜樣！」

東網網站 : https://on.cc/東網Facebook專頁 : https://www.facebook.com/onccnews/