陳豪完美家庭驚現問題　罕有發文急求網民救阿仔

視帝陳豪同老婆陳茵媺婚後育有兩子一女，出名係「模範夫妻」，更教子有方仔女都生生性性，估唔到如此完美嘅家庭都被一樣嘢打敗。平日甚少於社交平台提及家庭嘅陳豪，尋晚（20日）突然發限時動態求問網民「救仔」之道，令網民驚訝男神都同大家一樣，受一般育兒問題困擾。

陳豪晒出家中拍攝大仔背影照，留言求救：「問問大家，仔女慢慢大，多咗時間要上網或者用手機，點樣先可以培養到好嘅上網習慣，等佢哋自動自覺收埋手機？」唔少網民見陳豪激罕發問，回應都相當熱烈，大批父母級網民即圍爐訴苦：「最怕係個啲受軟唔受硬，你同佢講經就唔聽，你真係鬧又怕影響關係」、「我姪仔有次求其開咗啲網睇動漫，click click吓click咗入啲鹹網度，嚇死我」

東網網站 : https://on.cc/東網Facebook專頁 : https://www.facebook.com/onccnews/