何廣沛陰森兇狠表情到位　渣男指數賤過Bosco

馬德鐘、吳偉豪及賴慰玲主演的無綫新劇《非常檢控觀》，在昨晚（23日）一集中，何廣沛演活「現代陳世美」，廣沛雖然首演渣男，但無論陰森、兇狠或是無情表情均相當到位，更獲網民激讚演技大躍進。對於廣沛的演技躍進式渣爆演出，網民一致好評兼睇得肉緊，笑言廣沛賤格指數直逼《新聞女王2》黃宗澤：「賤過 Bosco」。至於劇中的小演員周珈慜雖然年紀尚小，但不但駕馭到惶恐及患得患失的複雜情緒，而且喊戲亦是一流，她是家燕媽媽藝術中心畢業生，自小已學習表演藝術，曾先後參演《金宵大廈2》 、《白色強人 2》、《你好，我的大夫》及《奪命提示》等，演出經驗豐富。

周珈慜與廣沛曾合作《回歸光影頌：曙光》及《你好，我的大夫》，今次二人飾演父女，由於珈慜看劇本時已知道廣沛是「衰老竇」，故一在片場遇見廣沛即「投訴」，她接受無綫官方訪問時說：「我一見到廣沛哥哥就大叫：『你做乜要咁對我，我係你個女嚟㗎！』當時廣沛哥哥就話：『我夠係你阿爸，你又做乜要阻住我？』。我仲問廣沛哥哥點解比《你好，我的大夫》瘦咗咁多，佢話因為要扮Oppa，要瘦啲先會似，佢真係好專業呢！」談到劇中被灌安眠藥一幕，珈慜感激幕後工作人員貼心照顧，為了保障她的舒適度及安全性，情願拍多幾Take鏡頭遷就做效果，又笑言「安眠藥」其實全是糖果，所以拍時感覺良好。至於在劇中喊戲了得，珈慜坦言是真的被廣沛嚇到喊：「其實我本身唔太容易流眼淚，但當時見到廣沛哥哥咁兇狠，所以都忍唔住嚇到流眼淚，因為現實中未試過有人對我咁惡。拍完呢場戲，廣沛哥哥有請我食雪糕氹番我開心。」她更「護航」指廣沛哥哥私下是百分百暖男：「佢講嘢好溫柔，而且成日會喺等候拍攝時同我玩，亦因為咁，當佢兇狠時我就更易入戲。」

東網網站 : https://on.cc/東網Facebook專頁 : https://www.facebook.com/onccnews/