渣馬｜馬拉松跑手涉違規攜嬰兒落場 田總：已中止作賽

【體路專訊】渣打香港馬拉松2026昨日（18日）圓滿結束，網上流傳片段有馬拉松選手用孭帶將嬰兒縛在胸前參賽，惟最終未能完成全程42.195公里賽事。中國香港田徑總會證實，賽事期間已終止該名違規跑手繼續作賽，並安排他離開賽道確保安全。

網上流傳片段顯示，該位跑手將號碼布掛上胸前嬰兒的背部，自己則背著背囊，但前後負磅之下，跑得似乎有點吃力，片段中他已跑了一段路程。據資料顯示，這位姓氏英文為Wang的跑手最終並沒有完成全程馬拉松賽事。根據賽事官網上載的大會競賽規則參賽資格第3項：「大會禁止參賽者帶同嬰兒、未滿 16 歲或任何未有戴上渣打香港馬拉松 2026 之有效號碼布人士參加及進入賽道範圍，違例者將會被即時要求離開賽道。」這位跑手已明顯違規。田總及後回覆傳媒查詢，證實賽事期間終止了該跑手繼續作賽，並安排他離開賽道確保安全，又提醒參賽者不應作出對自身及他人構成危險的行為。

霍啟剛支持未來賽事分兩日舉行

今屆渣馬吸引超過12萬人報名，創下歷屆新高，連同2.5萬位海外跑手，參賽者達7.4萬人，有超過9成出席，數字較往年有所上升。身兼港協暨奧委會副會長的立法會議員霍啟剛亦有與愛妻、「跳水王后」郭晶晶參加全長約2公里的「領袖盃」。他支持未來賽事可分兩日舉行：「我哋可以參考一下世界馬拉松大滿貫賽事之一嘅倫敦馬拉松，2026年賽事報名人數世界紀錄超過110萬，吸引全球跑手。香港作為國際旅遊城市，絕對有能力將馬拉松辦得更具規模、更國際化。」

霍啟剛又表示：「田總日前表示考慮將賽事延長至兩日，增加參賽名額；以往我哋擔心封路影響市民，但國際城市如倫敦嘅馬拉松係早上開始，跑手同觀眾可以更投入，周邊商戶亦能受惠於前來觀賽、感受氣氛嘅人流。呢個涉及思維上嘅轉變，未來點樣平衡市民需要同盛事經濟推動，正正係我哋要深入探討嘅課題。

要進一步提升香港渣馬影響力，關鍵在於吸引更多境外跑手來港。外地跑手會住宿、消費、體驗本地文化，帶動旅遊相關行業。同時，國際電視轉播亦能向全球展示香港嘅城市景象同活力。沿途我見到唔少商戶配合馬拉松推出宣傳，未來可以進一步鼓勵餐廳、零售業響應活動，推出優惠或特色體驗，深化『體育+旅遊+商業』融合。

渣馬已經係全城焦點，我哋要把握機會，將呢個盛事變成香港面向世界嘅窗口。無論係增加國際參賽名額、優化賽事體驗，還是推動周邊經濟活動，都需要政府、業界同市民一同探索。我亦會喺立法會繼續推動相關政策討論，等香港嘅盛事經濟真正跑出國際、跑向未來！」

圖、文：文森特、伍俊熹、梁丁尹、李科毅

《體路Sportsroad》
屬於香港人的體育新聞平台
Facebook: https://www.facebook.com/Sportsroad/
Instagram: https://www.instagram.com/sportsroad.hk/