渣馬2026賽道另類花絮 | BB掛號碼布落場 寡人為你打氣
每年渣打香港馬拉松，賽道上74,000名選手，除咗一個又一個振奮人心嘅故事，仲有好多有趣甚至嚇人嘅畫面。
1: BB落場跑全馬
目測幾個月大嘅BB，掛住全馬項目嘅號碼布落場，肯定係渣馬歷史以來最年輕嘅選手。網上一面倒負面反應，質疑大會為何容許如此情況發生，並關心BB安全。
在 Threads 查看
2: 有煙又有酒
Threads友發圖，顯示一名煙民疑似在等候上線期間拎住支點著嘅香煙。其實都唔使查比賽規則，總之喺公眾地方，仲要係咁擠逼嘅環境，拎支煙一定神憎鬼厭，乞人憎。
網上流傳，另一位全馬選手跑到灣仔駱克道，竟然拎住罐啤酒邊飲邊跑。
3: 衝級險釀混亂
今屆全馬總冠軍由埃塞俄比亞嘅比拉古奪得，衝線一刻，主辦機構田總幾位高層落到賽道恭賀冠軍。不過，三人一直留喺終點線，無意識亞軍同季軍正在發力衝線。佢哋嘅位置令呢兩名頂尖選手要放慢腳步，避免出現意外。
在 Threads 查看
4. 秦國人為你打氣
感謝補給站嘅義工，製作唔少打氣標語，令選手可以笑住跑。
5. 林家謙錯獎牌
林家謙以2小時13分完成半馬。不過，眼利網民發現，掛喺佢身上嘅竟然係10公里獎牌! 渣馬人員嘅工作表現，值得大家畀多幾個趣。
同場加映: 日本人 plogging
來自日本跑步KOL 上田怜 出戰渣馬，佢以「邊跑邊執垃圾」(plogging) 嘅方式完成半馬比賽。她稱這項行動是為了「用行動感謝這座城市」，而沿途亦不少選手和義工出手相助，令佢好開心。