廖子妤自覺唔夠靚　蔡蕙琪靠口音突圍而出

港產賀歲片《夜王》上映以來票房及口碑都爆錶，戲中一眾「夜總會女神」齊齊人氣急升。「媽媽生Mimi」廖子妤（Fish）與謝君豪的一段忘年關係相當突出，其造型亦盡顯美態，然而日前卻有網民發貼文指Fish「可能唔中我審美」，隨即引起激烈討論，貼文更引起Fish關注並亦大方留言回應，直言﹕「咁人人審美唔同，絕對唔需要懷疑自己。」

Fish補充指自己「真係唔算好靚，好多時候都會自卑」，但EQ高的她明白自卑無益，所以好努力去克服這種心態。談到有戲迷大讚其角色「好靚」，Fish即謙稱﹕「我自己就咁睇，造型好幫到我演呢個角色，加上有刻意勾勒個大紅唇去接近『性感』嘅感覺。 鏡頭、燈光、肢體語言、眼神⋯所有嘢加埋就會覺得呢套戲嘅廖子妤特別有『靚』嘅感覺。」Fish留言後，該名網民將貼文刪除，Fish感到抱歉，並指原意只為理性討論而已。

另外，片中操着半鹹不淡廣東話的「葵芳」蔡蕙琪（Kay），誇張又鮮明的「譚仔口音」令她成功突圍而出，且成功俘虜觀眾笑點，獲讚「最有潛力喜劇新星」。這位「新人」其實背景相當威猛，早年於演藝學院求學期間已曾多次獲頒獎學金，更憑舞台劇《加數機》奪得「傑出演員獎」，其後遠赴倫敦交流演出。畢業後她加入中英劇團，半年前Kay才決意離開劇團，以自由身身份接工作。今次成功彈起，近日獲不少媒體爭相推介，可謂前途無限。

東網網站 : https://on.cc/東網Facebook專頁 : https://www.facebook.com/onccnews/