鄭嘉穎激罕下廚　父子兵炮製紅燒雞翼

「視帝」鄭嘉穎近年為陪伴三個仔長大，刻意放慢工作步伐，落手落腳湊仔。「廿四孝老竇」最近更激罕下廚，為獎勵兒子乖巧聽教聽話，煮兒子最愛的紅燒雞翼。

他在社交網分享「嘉㯋廚房」為兒子烹煮紅燒雞翼影片，片中相當好唱口：「燒雞翼我鍾意食…係咪好驚訝呢，我居然會下廚，因為我啲仔呢排就乖咗少少，所以就煮佢哋最鍾意食嘅紅燒雞翼。」

曾主演過劇集《飛短留長父子兵》的嘉穎，親自下廚也同樣不離父子兵，嘉穎親手煮，兒子則在廚房幫手搞搞震，並聲演介紹材料，父子拍住上，搞笑又溫馨。

東網網站 : https://on.cc/東網Facebook專頁 : https://www.facebook.com/onccnews/