阿儀紅到去內地！淘寶出人型攬枕獲200人搶購 網民稱送給朋友做禮物

37歲落選亞姐薛影儀（阿儀）近日成功引來關注，被亞視以四位數字月薪簽約成為藝人後曝光率愈來愈高，其IG粉絲人數更已累積超過3萬人，令網民都稱她做「亞視一姐」！

近日就連內地淘寶網都看中阿儀的知名度，有商家以「香港小姐薛影儀抱枕港姐長攬枕霍韻璇同款周邊送朋友整蠱搞怪禮物」為主題推出阿儀雙面攬枕，攬枕更用上阿儀參加亞姐面試當日的粉紅色比堅尼打扮圖，非常「惹火」，攬枕分為小號、中號、大號及特大號四個size，價錢由65元至188元人仔不等，推出之後有超過200人購買，不少網民見到都爭住留言話要買個送給朋友做禮物。此外，攬枕仲有落選港姐「東涌羅浩楷」利愛安（Kirsten）款式可選，攬枕圖更用上Kirsten參加港姐面試的「佛祖」造型，不過商家就將其中文名字寫錯為「霍韻璇」。