「咆哮帝」馬景濤變發福中佬　前妻吳佳尼愈來愈靚

出名演戲用力，被封「咆哮帝」的台灣藝人馬景濤，後生時高大靚仔又有型，是瓊瑤劇的御用男主角，而最為人熟悉就係佢演出《再見艷陽天》賀生一角及《倚天屠龍記》張無忌。每套劇佢都出心出力用盡真感情去演，每當情緒激動時，佢咆哮式演技就會出現，因而有「咆哮帝」封號。不過近年佢已經減產，甚少演出電視劇，工作多以產品代言居多。

日前佢出席代言產品活動，被網友野生捕獲，新相在網上流傳，現年59歲的嘅佢，髮線向後移加上發福唔少，面圓圓再加上有少許凸腩，網友見狀都大嘆昔日男神變發福中佬，崩壞得令人難以置信。

相反比他年輕21年的前妻吳佳尼就變靚唔少，雖然生咗2個，但勤力做運動令身材保持得唔錯，見佢社交網有唔少靚相，大晒性感小蠻腰，非常吸睛，完全演繹出「活得比你好」的狀態，

東網網站 : https://on.cc/

東網Facebook專頁 : https://www.facebook.com/onccnews/