Ben Sir誤解麥曦茵做剪接好委屈 網民恥笑秒回自嘲

其實不只拍電影，每種工作每個崗位其實都好重要，不應被看輕。Ben Sir(歐陽偉豪)早前就入場看了港產片《濁水漂流》，他在社交平台提到片末看到一位「出名嘅年輕導演名字」，即是麥曦茵，「而家竟然做剪接，為生活、為朋友，定為港產片？」似有看輕剪接一職之嫌，即時被網民恥笑「見識少」。

不過可能網民都知Ben Sir是無心之失，所以恥笑都算好溫和，不少人更提醒Ben Sir要注意語氣，拍電影每個崗位都很重要。而Ben Sir亦都秒回，自嘲要被調教：「需要開個節目：調教你Ben Sir。」
Ben Sir留言全文：「今朝睇咗『濁水漂流』，我主要係睇明星，吸收下吳鎮宇同謝君豪嘅演技，因為我而家拍緊劇要學揣摩角色。完場睇字幕，一掃，掃到剪接欄下有個出名嘅年輕導演名字，導演要做剪接，剪接要請導演。Check完維基，得知呢位導演剪接師 大有名氣，攞過導演、編劇獎，亦導過大片，而家竟然做剪接，為生活、為朋友，定為港產片？電影背後嘅幕後似乎有另一幕濁水漂流？」